رواية عشق محرم كامله بقلم كوكي سامح

 يمكنكم قراءة الرواية كاملة على مدونة يوتوبيا من خلال البحث فى جوجل بكلمة "رواية عشق محرم مدونة يوتوبيا" والدخول على اول رابط.

انا مش بنت انا مش عذراء معرفش حصل ازاى وده كلام الدكتوره ليه؟

كنت حاسه بوجع فى المنطقه الحساسه وألم جامد وكل يوم بيزيد وغير كنت اقوم من النوم وجسمى متكسر وده مش عادى ولما الوضوع ذاد عليه روحت للدكتوره وكشفت وهنا كانت الكارثه عرفت انى مش بنت مش عذراء وبالفحص الطبى الدكتوره قالت إن اخر علاقه جنسيه كانت من ساعات انا اتجننت طيب ازاى؟ يعنى انا مش بنت وكمان فى علاقه جنسيه حصلت من ساعات؟ دى فضيحه ومصيبه ووقعت على دماغى! ده انا مفيش راجل لمسنى؟!؟

.=ونزلت من عند الدكتوره وأنا زى المجنونه بعد ما أكد عليها ان محدش من عيلتى يعرف بالفضيحه دى لأنها دكتوره العيله وركبت العربيه ومكنتش عارفه اروح فين واعمل ايه! ومكانش قدامى غير أمينه صاحبت عمرى واتصلت بيها كتير بس الفون كان مغلق!

= ركبت العربيه زى المجنونه وروحت عندها الڤيلا ما انا مليش غيرها واول لما وصلت على باب الڤيلا بصيت من شباك العربيه وكان عم عبده البواب قاعد على البوابه...

..أمينه موجوده ولا لأ

.. انسه الهام ازيك يا بنتى كده برضه متقوليش حتى ازيك

.. اسفه انا بس تعبانه شويه هى أمينه موجوده

.. ايوه موجوده تحبى ابلغها

.. لا لا يا عم عبده انا هركن العربيه وهدخلها

= وفعلاً ركنت العربيه ونزلت وعم عبده فتح البوابه ودخلت لأمينه وكنت منهاره

.. تعالى يا الهام يا حبيبتى

.. ازيك يا طنط هى فين أمينه؟

.. أمينه فوق فى اوضتها بس انتى مالك شكلك مش طبيعى ووشك اصفر زى الليمونه؟!

.. انا كويسه يا طنط 😭 انا طالعه اشوفها

.. البيت بيتك يا حبيبتى 😍

=وفعلاً طلعت وبفتح عليها باب الاوضه كالعاده بس كان فى حاجه غريبه انها كانت قافله عليها الباب بالمفتاح وانا استغربت هى قافله الباب على نفسها ليه بس قولت كفايه اللى انا فيه وخبط عالباب وهى مش بترد وفضلت اخبط وارزع وفتحت الباب بعد 5 دقايق وانا واقفه وعلى اخرى

=والباب اتفتح

.. الهام! براحه يا بنتى هو انا طرشه

.. انتى بتعملى ايه انا بخبط عالباب بقالى 5 دقايق واكتر

.. انتى مش شايفه انا حاطه الهاند فى ودانى ومشغله اغانى وانتى عارفه انا بعلى الصوت عالاخر

.. اقفلى الباب بالمفتاح انا عاوزاكى ضرورى

.. مالك يا الهام فى ايه

.. انا فى مصيبه بجد مش عارفه اعمل ايه

.. قلقتينى يا بنتى فى ايه؟

.. اقفلى الباب بالمفتاح وتعالى نقعد جوه

= وفعلاً أمينه قفلت الباب بالمفتاح ومن شكل الهام وخضتها أمينه اتوترت ووشها اتخطف وقعدت جمب الهام على السرير وسألتها وقالت

.. فى أيه قلقتينى؟!

.. فاكره لما كنت بقولك انى تعبانه وبحس بألم من فتره فى المنطقه الحساسه وهرش جامد وبقوم من النوم جسمى متكسر

.. ايوه وانا قولتلك روحى اكشفى

.. روحت كشفت النهارده عند دكتورة ناهد وقالت إنى مش بنت مش عذراء شوفتى المصيبه وبالفحص عرفت ان فى علاقه جنسيه تمت من ساعات

.. يادى المصيبه انتى بتقولى ايه يا الهام انتى مجنونه اكيد الدكتوره دى حماره او بتكذب

.. لأ مش كذابه انا عارفه ده ألم مش طبيعى وكمان دى شاطره جداً كل بنات العيله وحتى اللى بتتجوز جديد بتابع معاها وانتى عارفه ده.!

.. نفترض انها صح! طيب حصل ازاى؟!

.. معرفش انا هموووت

... يمكن الشطاف؟

.. انتى هبله بتقولك حصلت علاقه جنسيه كمان يعنى اللى بتكلمى فيه ده هطل مش معقول يعنى؟

.. خلاص تبقى ملبوسه بقى؟

.. الموضوع مش هزار؟ انا فى مصيبه

.. والله مش بهزر يمكن جن عشقك وهو اللى عمل كده؟

.. جن ايه وبتاع ايه دى خرافات المهم اعمل ايه دلوقت؟

أمينه.. الكارثه بقى انك كشفتى عند دكتوره ناهد واكيد هتقول لأخواتك وطنط

الهام.. انا أكد عليها وبصراحه هى نفسها اتخضت واكيد مش هتفضحنى

أمينه.. بس دى مش فضيحه انتى مغلطتيش مع حد انتى مجنى عليكى

الهام.. اخويا محمد لو عرف فيها قتلى ولا أحمد اللى بقول عليه عاقل برضه هيقتلتى ولا ماما وبابا ولا اخواتى البنات ولا أهلى كلهم كلهم أنا فى مصيبه.

أمينه.. انا عاوزه اققولك حاجه بس خايفه

الهام.. قولى الموضوع مش محتاج توتر

أمينه.. اكيد اللى عمل كده حد قريب منك وأوى كمان

الهام.. متسبنيش لوحدى ابوس ايدك يا أمينه انا خايفه اوى 🥺

أمينه.. مش هسيبك بس سبينى افكر؟ بقولك مش انتم عايش معاكم فى الڤيلا ولاد عمك

الهام.. ايوه بس هما قاعدين فى الاوضتين اللى فى جنينه الڤيلا وبابا بيعطف عليهم بعد ما عمى مات وبس ومش بيدخلوا الڤيلا كتير حتى الأكل الشغاله بتوديه لحد عندهم ما انتى عارفه ماما مش بطقهم خالص! وبعدين انا عمرى ما ابص لحد منهم! انا بنت عمران صاحب اكبر شركات استيراد وتصدير فى البلد ابص للجرابيع دول!؟ وبعدين هما مش ولاد عمى لزم هما من الفرع الفقير فى العيله وبابا ابن عم باباهم

أمينه.. ما علشان كده اكيد واحد فيهم هو اللى عمل فيكى كده يستنى لما تنامى ويطلع اوضتك. وبعد ما تعرفى الحقيقه يبقى مفيش مفر وتتجوزيه وهو يطول واحده زيك جمال ومال

الهام.. ما خلاص انا ضعت😭 بس ازاى محسش فى حاجه غلط ولازم حد يساعدنى

أمينه.. مفيش غير حل واحد

الهام.. ايه هو ؟

أمينه.. فى ميعاد نومك اوعى تنامى واللى هيدخل عليكى يبقى هو اللى عمل فيكى كده وساعتها بقى افضحيه.

الهام.. هو ده اللى هيحصل بس اعرف مين وانا هقتله بإيدى ده ضيع شرفى الحيوان!

بس بقولك انا هستأذن طنط وتعالى اقعدى معايا يومين ايه رأيك؟

أمينه.. اوك

=وفعلاً استأذنت من مامت امينه وورحبت والاتنين خرجوا من الڤيلا وركبوا العربيه وراحوا لحد ڤيلا عمران واول لما نزلوا من العربيه وكانت لأول مره الهام تتدخل الڤيلا وهى شاكه فى كل أهلها ولما دخلت شافت ابن عمها بيعمل حاجه غريبه..

رواية عشق محرم الجزء الثاني 2 كوكي سامح 

ولما دخلت الڤيلا شافت ابن عمها ماسك قطه وبيعذبها جريت عليه وقالت.

.. ايه ده انت بتعذب القطه يا وليد

.. هو ده عذاب انا بس يا دوب بحرمها تشرب مياه

.. حرام عليك دى حيوان سيب القطه يا متخلف

.. ههههههه اهو سبتها يا ست هانم ارتحتى كده

أمينه.. بجد شكله مريض

الهام.. انا اول مره اشوفو بيعمل كده

أمينه.. بس عارفه فكره انه يعذب القطه بيدل انه تعبان فى دماغه وكمان عنده نقص

الهام.. نقص فى ايه بقى!

أمينه.. باين يا بنتى انه عنده نقص او نفسيته تعبانه

الهام.. هو فعلاً نفسيته تعبانه انتى مش شايفه وشه عامل ازاى كله حبوب وكمان شكله زى المحروق وبصراحه استغفر الله العظيم انا كنت بقوله انت شكل القرد

أمينه.. يا خربيتك يبقى هو ده اللى عمل فيكى كده؟

الهام.. معقول

أمينه.. ايوه الغيظ يعمل اكتر من كده.

الهام.. بس انا كنت بهزر معاه بالكلام ده من واحنا صغيرين

أمينه.. واخواته الاتنين فين؟

الهام.. آدهم وجلال اكيد فى الشركه مع بابا اما وليد مش بيشتغل فتلاقيه قاعد على طول فى الجنينه المهم تعالى بس ندخل جوه وياريت محدش يعرف حاجه.

أمينه.. اوك ربنا ينور بصيرتنا فى اللى عمل فيكى كده

= ودخلوا الڤيلا وكانت الام مش موجود ولا اى حد غير الشغالين والهام أمرت بغدا ليها هى وامينه وقعدوا واتغدوا وبعد ما خلصوا طلعوا على اوضه الهام

أمينه.. الهام انتى متأكده انك بجد حصلك كده

الهام.. ايوه والله الدكتوره أكدت ليه والكارثه ان كمان بتحصل علاقه جنسيه وانا نايمه ومأثره عليه لأنى فعلاً تعبانه بجد

أمينه.. انتى عارفه ده معناه ايه

الهام.. معناه ايه

أمينه.. انك بتكونى مش فى وعيك

الهام.. انا افتكرت حاجه

.. ايه قولى بسرعه؟

.. من كام يوم انا قومت من النوم وكان بعد الفجر تقريبا لان النهار كان بيشقشق وكنت حاسه بوجع وقلقت علشان ادخل الحمام بس لما جيت اقوم من على السرير لقيت على الملايه عليها نقط دم وكانت منى 🥺 بس انا قولت دى البريود والغريبه بقى انها لسه مجاتش لحد دلوقتى

.. قصدك ايه انك حامل؟!

.. لأ قصدى ان مكانش ميعادها وكان فى دم نازل منى يعنى فعلا انا مش بنت

.. ومعنى ده يا الهام انك مش فى وعيك واكيد متخدره

الهام.. يا بنتى انا نومى تقيل عموما والكل عارف كده

أمينه.. الكل مين بقى تقصدى ولاد عمك كمان

الهام.. ايوه انا معروفه ان نومى تقيل اصلا هحكيلك موقف مره ايام لما كنا فى شقتنا القديمه قبل ما نعيش فى الڤيلا هنا كلهم خرجوا اخواتى راحوا شغلهم وانا كنت نايمه وبابا وماما كانوا عند جدتى ولما رجعوا بابا اكتشف انه ناسى المفتاح وانا راحت عليه نومه وقعدوا يخبطوا وحياتك اكتر من ساعه لما زهقوا وانا صحيت علشان اشرب واكتشفت انهم قاعدين عالباب

أمينه.. عارفه يعنى ايه علاقه جنسيه تحصل يعنى انسان بيتملك منك وكمان بيكون فى حضنك وانتى مش حاسه وغير كده كمان عارف انك مش هتحسى بيه ومتآكد من ده

الهام.. معقول يعنى كلام ممكن يكون صح وحد بيخدرنى بس مين اللى هيعمل كده؟

أمينه.. اكيد متخدره ومين دى بقى هنعرفها النهارده لما تعملى نفسك نايمه.

=والكلام خدهم والساعه عدت 8 بالليل والباب خبط

..ودخلت الام وقالت بعصبيه انتى فين من الصبح يا الهام وكمان بتصل بيكى مش بتردى

أمينه.. ازيك يا طنط

الام.. ازيك يا امينه وازى ماما أخبارها ايه؟

أمينه.. الحمد لله بتسلم على حضرتك

الهام.. ماما هو انتى كنتى عند خالتو

الام.. ايوه وبتسلم عليكى اوى بس برضه انتى كنتى فين؟

الهام.. كنت كنت عند أمينه علشان استأذن من طنط وتقعد معايا الكام يوم دول علشان تجهز معايا لعيد ميلادى

الام.. كل سنه وانتى طيبه يا حبيبتي وان شاء الله السنه الجايه يكون معاكى العريس

الهام.. وانتى طيبه يا ماما

الام.. يلا اخواتك وبابا وصلوا وكمان خطيب اختك يلا انزلوا علشان تتعشوا وتسلمى عليه

الهام.. حاضر

= والام خرجت وقفلت الباب وراها وسبقتهم ونزلت

أمينه.. خلى الشغاله تتطلع الاكل هنا احسن

الهام.. ليه يا بنتى

أمينه.. بصراحه انا مش بقبل اخواتك البنات التؤام دول وبصراحه مغرورين كده غيرك خالص

الهام.. ملكيش دعوه بيهم انا بعتبرهم عيال

أمينه.. ليه ان شاء الله انتى كل اللى عندك 32 سنه ومش باين عليكى يعنى مش اكبر منهم بكتير وبصراحه انتى حاجه تانيه انتى قمر وكفايه تقسيمه جسمك

الهام..هههههههه اكبر منهم ب 8 سنين بالنسبه ليه عيال

أمينه.. هما مش عيال دى ساره مخطوبه لأبن خالتك

الهام.. برضه عيله مخطوبه لعيل وانا قولت الكلام ده لماما كذا مره دى ساره عندها 24 سنه وهو أصغر منها ب4 سنين وقال ايه فى بينهم قصه حب

أمينه.. يا بنتى المهم بيحبوا بعض مش شرط السن ولا مين أكبر من مين؟

الهام.. افهمى مش عيب انها أكبر منه انا بس بقول انه مش مناسب ليها اصلا ولو فتحت بوقى بكلمه هيقولوا غيرانه وبصراحه بطلت كلام فالموضوع ده

أمينه.. طيب بقولك بقى انا بصراحه مش جعانه من وقت الغدا وانا حاسه ان بطنى هتنفجر

الهام.. تصدقى وانا كمان خلاص يبقى نشرب حاجه

أمينه.. انا عاوزه بيبسى

الهام.. وانا هشرب شاى بنعناع ده العشق بتاعى وهنزل اخلى الشغاله تعمله وتطلعه هو والبيبسى

= وفعلا الهام نزلت وسابتها فى الاوضه لوحدها

واتفجأت بحد بيفتح الباب وكانت بتحسبه الهام وقامت أمينه ودخلت تقف فى البلكونه وشافت ولاد عم الهام فى الجنينه وفضلت تبص عليهم؟

=والهام تحت بتكلم الشغاله وفجأه دخل أدهم ابن عمها وقال الحقوا فى واحده وقعت من البلكونه وغرقانه فى دمها فى الجنينه..

وكلهم خرجوا من الڤيلا وأدهم معاهم ولما خرجوا الهام قالت أمينه😭

وأدهم شالها وراح بيها على اققرب مستشفى لأنها كانت سايحه فى دمها وفاقده الوعى

ولما وصل المستشفى سألوه عن بيانات المريضه وأدهم قال انه ميعرفهاش واتخانق لحد ما دخلت طوارئ وفضل واقف مستنى بره

والهام والام والأب واخواتها الرجاله راحوا ورا أدهم ولما وصلوا الهام جريت عليه وقالت هى كويسه صح صح رد وقال انا مستنى الدكتور وبعدين عاوزين بيانات عنها رددت وقالت المهم تبقى كويسه وخرج الدكتور والكل مستنى رده وقال البقاء لله

الهام.. أمينه ماتت 😭 لا لا لا

رواية عشق محرم الجزء الثالث 3 كوكي سامح 

وخرج الدكتور وقال أمينه ماتت.

.. ماتت ازاى يا دكتور لأ أمينه عايشه عايشه 😭

.. شدى حيلك يا انسه

أدهم.. لا حول ولا قوة الا بالله والله انا اتفجأت انها أمينه من كتر الدم اللى على وشها معرفتهاش

= وقعدت على الأرض وقالت اقول ايه لطنط اقولها بنتك ماتت فى بيتنا وكمان وقعت من البلكونه وقالت بصوت ضعيف بس هى وقعت ازاى؟!

الام قربت منها ومسكتها من دراعها وقالت اسكتى انتى هتجبلنا مصيبه وقعت زى اى حد بيقع تلاقيها كانت بتبص ووقعت ما هى مش حكايه يعنى والله يرحمها بس المهم لازم نبلغ أهلها

أدهم.. انا كنت قاعد مع اخواتى وفجأه لقيت حد وقع على الأرض واتخضيت وبحسب الهام

الام.. خلاص يا جماعه الله يرحمها

الاب.. هاتى رقم حد من اهلها يا بنتى

الهام.. خود يا بابا ده رقم طنط 😭 يا حبيبتى يا امينه

محمد.. المهم يا بابا ميكونش فى شبهه جنائيه

الاب.. لأ يا محمد هى وقعت من البلكونه وكمان احنا اللى جبناها هنا

محمد.. بس وقعت عندنا

الاب.. انا هتصرف بس مش عاوز حد فيكم يتكلم فاهمه يا الهام

الهام قالت فى سرها مش كفايه المصيبه اللى انا فيها وكمان صاحبت عمرى تموت واتحرم منها دى هى اللى عارفه سرى

=الاب مسك الفون وبلغ مامت امينه والخبر نزل عليها كالصاعقه وانهارت وجت تجرى على المستشفى علشان تودع بنتها الوداع الأخير ودخلت عليها هى والهام وشافوها جثه هامده والام ودعت بنتها والهام ودعت صاحبت عمرها وبعد ما الام خرجت من الاوضه الهام طلبت من الممرضه انها تفضل قاعده جمبها دقايق تقرأ ليها قرأن على روحها وفعلاً قعدت على الكرسى وامينه على السرير جثه هامده وهتدفن الصبح علشان الإجراءات تكون خلصت وطبعا بعد ما أبو الهام ظبط كل حاجه مع الدكتور وان مفيش شبهه جنائيه فى الموضوع

.. وهى قاعده جمبها تقرأ قرأن على الكرسى فضلت تعيط وراحت فى النوم من كتر التعب النفسي وبعد دقايق قامت مفزوعه وقالت أمينه بس لما بصت على السرير شافتها جثه😭 خرجت جرى من ا لاوضه والغريب ان مكانش حد موجود غير أدهم

.. هما فين؟

.. كلهم خرجوا بره وهيمشوا وهيرجعوا الصبح المستشفى علشان الدفن

.. وفين طنط ؟

.. قصدك مامت أمينه دى تعبت واغمى عليها والممرضه معلقه ليها محاليل فى اوضه الطوارئ وكمان عرفت ان باباها مسافر وملهاش حد غير بنتها أمينه وتقريباً بلغت اعمامها وهيكونوا كلهم هنا الصبح علشان الدفن

.. اعمامها دول ملهمش لازمه حتى باباها سيباهم سنين علشان الفلوس وفى الاخر بنته ماتت وهو مش موجود يا حبيبتى يا امينه 😭

أدهم.. يلا يا الهام انا مستنيكى مش انتى قرأتى القرأن على روح صاحبتك يلا علشان نروح وان شاء الله الصبح كلنا هنحضر الدفن

الهام.. انا حاسه انى هموت وتفكيرى هيتشل بعد ما..؟

أدهم.. بعد ما ايه؟

والهام وطت صوتها وقالت عارف انا شوفت حلم لأ ده كابوس

أدهم.. خير قولى؟

الهام.. بعد ما قرأت القرأن نمت على نفسى وحلمت ان حد بيصحينى من النوم وببص لقيتها أمينه وفرحت اوى جيت امسكها بس كانت زى الهوا اقصد خيال يعنى كل لما امسكها بمسك هوا وفجأه قالت بصوت غريب هو اللى قتلنى وزقنى من البلكونه يا الهام قولتلها مين رددت وقالت اللى عمل فيكى!....

أدهم.. عمل ايه؟

الهام.. مفيش

أدهم.. فى حاجه ولا ايه؟

الهام.. انا اتخنقت وعاوزه أمشى مخنوقه

أدهم.. تعالى نتمشى شويه

الهام.. ياريت نتمشى لأنى فعلا مخنوقه مش عاوزه اروح الڤيلا دى

= وخدها وخرجوا وركبوا عرببتها بس هو اللى كان سايق وهى بتفكر وبتقول فى بالها معنى الحلم ان اللى بيعمل فيه كده ده من البيت بس هيكون مين بس وبعدين ولاد عمى كانوا فى الجنينه يبقى مين ومكانش حد عندنا غير ابن خالتى خطيب ساره معقول يكون هو؟!

أدهم.. مالك يا الهام

الهام.. اطلع على الڤيلا وخلاص انا عاوزه انام ويارب ما اقوم واحصلك يا امينه

أدهم.. حرام عليكى ده قضاها وده عمرها

.. وفعلاً خدها وراحوا على الڤيلا وكانت الساعه داخله على 2 بالليل ولما روحوا هى دخلت الڤيلا وهو دخل على اوضته عند اخواته

الام.. شدى حيلك يا الهام

الاب.. البقاء لله يا بنتى

الهام.. انا طالعه انام الكام ساعه دول وياريت حد يصحينى علشان الدفن

الام.. متنميش فى اوضتك

الهام.. عارفه يا ماما علشان صاحبتى اتقتلت فيها

الام قربت منها وقالت مش عاوزه اسمع الكلمه دى تانى اطلعى نامى فى اى اوضه تانيه

الهام.. حاضر يا ماما حاضر يا ست الكل

= وطلعت تنام وهى مخنوفه وراحت اوضه فاضيه جمب اوضتها ولما دخلت الاوضه راحت على السرير ونامت من غير تفكير وراحت فالنوم وفجأه قلقت من النوم وهى مفزوعه وقامت وقالت ايه الصوت ده انا سمعته وهو بيقولى بحبك وبيلمس جسمى وبصت على نفسها لقت نفسها شبه عريانه وبصت فى الاوضه من الخضه لقت هدومها مرميه على الأرض وشافت الشباك وقالت ده كان مقفول علشان التكييف يبقى اللى فتحه هو اللى بيعمل فيه كده وجريت على الشباك وشافت....

رواية عشق محرم الجزء الرابع و الخامس